AS EMOCIÓNS: RABIA OU ENFADO

O enfado é unha emoción sa e positiva.

Se o neno ou a nena está enfadado é por algo; non debemos tomalo como un ataque cara a nós.

Para regular o enfado hai que adestrar ANTES, traballar con moita calma DURANTE e falar sobre o ocorrido DESPOIS.

Ø ANTES DO ENFADO

A regulación do enfado debe realizarse mentres o neno atópase nunha situación de calma e tranquilidade e adéstrase xogando co neno ou contándolle un conto.

Antes do enfado imos prestar atención a 3 aspectos:

1. Ensinar á neno respiración abdominal, é dicir, relaxada e acougada, xa que cando o neno enfádase a súa respiración axítase.

Podemos utilizar dous xogos:

Esta actividade ten o obxectivo de ensinarlle aos nenos máis pequenos a diferenza entre respirar rápido e forte (respiración de enfado), como o elefante; e respirar lento e suave (respiración sosegada), como o rato. É importante xogar co neno (primeiro somos ratos, despois elefantes...).

- Teño un globo na miña barriga

O xogo consiste en tombarse, coa música de fondo, e imaxinar que dentro da barriga hai un globo. Ides inchar inspirando polo nariz e levando o aire á barriga. Despois expirades pola boca despacito, sentindo como o globo desínflase. Podes poñerlle un boneco que non pese moito encima da tripa. A idea é que o boneco suba cando a barriga ínflase de aire e baixe cando expulse o aire pola boca.